قالتلي... قول
روحتلها وقلبي كان ملهوف .. م الفرحة طاير وف نفس الوقت حاسس بخوف
لحسن أروح وأفضل ساكت .. وتقوللي أرجوك اتكلم ولا لسة كدة مكسوف
أول ما شوفت عنيها .. فضل قلبي من الفرحة يدق
والكلام كان نفسه يطلع ويقوللها .. لكن سكوتي هو اللي كان بيشك
فاستغربت وقالتلي قول .. أنا فعلا لكلامك محتاجة
قالتلي قول أي حاجة .. ففضلت ساكت وكإني نسيت كل حاجة
والوقت عدي بسرعة بينا .. وقالتلي عشان خاطري يلا بسرعة قول
لكن للأسف ما لحقتش .. أصل الوقت كان اتأخر وكانت لازم تقوم
عاتبت نفسي وقولتلها ينفع كدة؟؟؟ إزاي قدام القمر تسكتي وما اسمعش ليكي صوت
قالتلي أعمل ايه؟؟؟ .. أول ما بشوف عنيها بتسحر
كمان كلامها زي العسل بحبها .. أيوة فعلاً بحبها ومش عايز اسمع غير حسها
وضحكتها آه يا قلبي .. من جمالها ورقتها أنا بنبهر
آه لو الأيام تاخدني ليها تاني .. وأقوللها علي كل اللي نفسي أقوله من زمان
ليست هناك تعليقات:
إرسال تعليق